Британия Исроилга қурол етказиб беришни тўхтатди
Испания ҳам бу масалани кўриб чиқишини маълум қилган.
Британия Ғазода бошланган янги ҳарбий операциялар туфайли Исроилга қурол етказиб беришни вақтинча тўхтатди. Мамлакат расмийлари инсон ҳуқуқлари бузилиши хавфига эътибор қаратаётганини таъкидламоқда.
Шунингдек, Испания парламенти ҳам Исроилга қурол етказиб беришни тўхтатиш масаласини муҳокама қилишини маълум қилди. Бу қарор мамлакатдаги кенг жамоатчилик ва сиёсий партиялар талаблари асосида кўриб чиқилмоқда.
ОАВ хабарига кўра, Европа Иттифоқи аъзолари Исроил-ҲАМАС тўқнашувлари фонида ҳарбий ҳамкорлик сиёсатини қайта кўриб чиқишга мажбур бўлмоқда.
