Ҳаводан сув олиш технологияси яратилди
У оммавий ишлаб чиқаришга тайёрланмоқда.
Америкалик олимлар тасодифан энергиясиз ишлайдиган ва ҳаводан сув йиға оладиган янги материални ихтиро қилишди. У Пенсилвания университетида тажрибалар давомида кутилмаган тарзда кашф этилди.
Материал икки хил хусусиятга эга: гидрофилик (сувни тортувчи) тешиклар ҳаводаги намликни тортиб олади, гидрофобик (сувни итарувчи) қисми эса сувни ташқи юзага чиқаради. Бу орқали сув томчилари ҳосил бўлади ва улар буғланмасдан йиғилиб боради.
Олимлар бу оддий полимер ва нанозаррачалардан иборат материални келажакда чўлларда сув йиғиш, электрон қурилмаларни совитиш ва "ақлли" қопламалар яратишда ишлатиш мумкинлигини айтишмоқда. Ҳозирда уларни оммавий ишлаб чиқаришга тайёрлаш ишлари давом этмоқда.
