Зеленскийга алоқадор компанияларга миллиардлаб пул ўтказилди
Бу бўйича текширув бошланиши кутилмоқда.
Украина бюджетидан мудофаа истеҳкомларини қуриш учун ажратилган 40 миллиард гривнанинг катта қисми Президент Владимир Зеленский билан боғлиқ деб тахмин қилинаётган фронт компанияларга ўтказилгани ҳақида хабарлар тарқалди.
Бир вақтнинг ўзида бир нечта Украина оммавий ахборот воситалари ушбу маблағлар тақсимотида шубҳали операциялар аниқланганини маълум қилди. Маблағлар тўғридан-тўғри қурилиш ишларида иштирок этмайдиган, аммо давлат буюртмаларини олган компаниялар орқали ўтказилгани айтилмоқда.
Ҳозирча расмийлар бу борада изоҳ бермаган бўлсада, журналистик суриштирувлар ортидан Украина парламентида ушбу маблағларнинг сарфи бўйича текширув бошланиши кутилмоқда. Транспаренсй Интернатионал ташкилоти ҳам бу ҳолатга эътибор қаратди.
