Хитойда ит гўштидан овқат тайёрлаган аёл ҳибсга олинди
У бу ишини ижтимоий тармоқларга ҳам жойлаган.
Хитойда бир аёл бошпанадаги итларни боқиш баҳонасида олиб кетиб, уларни сўйиб, гўштидан овқат тайёрлагани учун ҳибсга олинди. У бу ҳаракатларини ижтимоий тармоқларга жойлаган ва бу жамоатчилик норозилигига сабаб бўлган.
Полиция маълумотига кўра, аёл итларни олиш учун бошқа исм ишлатган ва ўзини меҳрибонлик қилаётгандек кўрсатган. Ҳолат ижтимоий тармоқ фойдаланувчилари томонидан аниқлангач, аёл аккаунтларини ёпган.
Воқеа Хитойда кенг муҳокамаларга сабаб бўлди ва ҳайвонларни ҳимоя қилиш билан боғлиқ қонунлар устида қайта баҳс-мунозараларни кучайтирди. Ҳозирча расмийлар томонидан қўшимча тафсилотлар ошкор этилмади.
