Малта ва Франция Фаластин мустақиллигини тан олмоқчи
Қарор 20 июнь куни эълон қилинади.
Малта бош вазири Роберт Абела Times of Malta’га берган баёнотида, мамлакати яқин кунларда Фаластин давлатининг мустақиллигини расман тан олишини маълум қилди. Ушбу қарор 20 июнь куни саудияликлар ва францияликлар томонидан БМТ кўмагида ўтказиладиган халқаро конференцияда эълон қилинади.
Малта бу борада якка ҳаракат қилмайди, чунки Франция ҳам июнь ойида Фаластинни тан олишни режалаштирмоқда. Президент Эммануэл Макрон бу ҳақда 2025 йил апрель ойида берган интервьюсида “яқин ойларда” эълон қилинишини айтган.
Эслатиб ўтамиз, 2024 йил давомида Норвегия, Ирландия, Испания, Словения ва Арманистон Фаластин давлатининг мустақиллигини тан олган эди.
