Сурия ҳукумати 8 млн аҳолини кузатувга олди
Кузатувлар асосан сиёсий сабабларга кўра амалга оширилган.
Сурия янги ҳукумати маълумотларига кўра, Башар Асад бошқаруви даврида махсус хизматлар 8 миллионга яқин суриялик устидан яширин кузатув олиб борган. Бу рақам мамлакат аҳолисининг деярли учдан бир қисмини ташкил этади.
Сурия Ички ишлар вазирлиги ёзишича, кузатувлар асосан сиёсий сабабларга кўра амалга оширилган. Норозилик намойишларида қатнашганлар ёки режимга қарши бўлганлар алоҳида нишонга олинган.
Янги ҳукумат вакилининг сўзларига кўра, кузатув остидаги кўплаб фуқаролар «терроризм» айблови билан ҳибсга олинган. Айримлари эса устидан кузатув юритилганини фақат мамлакатдан чиқишга уринганда, назорат пунктларида ушланганларида билиб олишган.
