Трамп: “Путиннинг қилаётган ишларидан норозиман”
Россия Украинага қарши ҳужумларни давом эттирмоқда.
АҚШ президенти Доналд Трамп Россия президенти Владимир Путинга нисбатан норози эканини билдирди. Бу баёнот Россия дронларининг Украина шаҳарларига қилган кенг кўламли ҳужумлари ортидан янгради.
“Мен Путиннинг қилаётган ишларидан норозиман. У жуда кўп одамларни ўлдиряпти. Мен билмайман, унга нима бўлди? Мен уни анчадан бери биламан, доим яхши муносабатда бўлганман, лекин У энди шаҳарларга ракета зарбалари бермоқда”, — деди Трамп Морристовн аэропортида журналистларга.
Шунингдек, Трамп АҚШнинг Россияга қарши санкцияларни кучайтириш имкониятини кўриб чиқаётганини ҳам маълум қилди.
