Андижонда ота 10 минг АҚШ долларида алимент тўлади
Шу тариқа тарафлар ўзаро келишувга эришган.
Улуғнор туманида ота фарзанди учун 10 300 АҚШ доллари миқдорида алимент пулини олдиндан тўлаб берди.
Фуқаролик ишлари бўйича Бўстон туманлараро суди буйруғига асосан қарздор С.А..дан ундирувчи М.Р. фойдасига 2014 йилда туғилган бир нафар фарзанди моддий таъминоти учун алимент ундирилиши белгиланган. Шунга мувофиқ, Бюронинг Улуғнор туман бўлими ходимлари томонидан тегишли ижро ҳаракатлари олиб борилган.
Жараёнда тарафлар ўзаро келишганлигини билдириб, ота фарзанди вояга етгунигача бўлган алимент пулларини олдиндан тўлаб беришини маълум қилган.
Шундай қилиб, қарздор фарзанди 18 ёшгача бўлган алимент тўлови эвазига 10 300 АҚШ доллари, яъни 134 000 000 сўм алимент пулларини ундирувчи М.Р. га бир йўла тўлаб берди.
