Намангандаги “Сўнгги қўнғироқ”да қизнинг сочи ёниб кетди
Бунинг ортидан мактаб директори ишдан олинган.
Ижтимоий тармоқларда Намангандаги мактаблардан бирида “Сўнгги қўнғироқ” байрамида газли шарлар портлаб, қизларни сочи ёниб кетгани акс этган видео тарқалиб, кенг муҳокамаларга сабаб бўлганди. Ҳолат юзасидан Наманган вилояти ММТБ Ахборот хизмати расмий муносабат билдирди.
Маълум қилинишича, мазкур ҳолат ишчи гуруҳи томонидан ўрганилган ва ҳолат Чортоқ туманидаги 48–умумтаълим мактабида содир бўлгани аниқланган.
Меҳнат кодексига кўра, ўз вазифасига совуққонлик билан қарагани, ташкилотда ўрнатилган ички меҳнат тартиб қоидаларини қўпол равишда бузганлиги, ўзига юклатилган лавозим вазифаларини лозим даражада бажармаганлиги ва бир қатор камчиликларга йўл қўйгани учун мактаб директори билан тузилган меҳнат шартномаси бекор қилинган.
Шунингдек, мактабнинг ММИБ директор ўринбосарлари ва синф раҳбарига нисбатан тегишли интизомий жазо чоралари қўлланилган.
