“Afrosiyob” эмас, манёвр локомотиви ёнди
“Ўзбекистон темир йўллари” расмий изоҳ берди.
Чоршанба куни кечқурун ижтимоий тармоқларда “Afrosiyob” поэздида ёнғин чиққани акс этган видео тарқалди. Бунга изоҳ берган “Ўзбекистон темир йўллари” компанияси, ҳодиса тез юрувчи поэздга эмас, ёрдамчи ҳаракатлар учун хизмат қилувчи манёвр локомотивига тааллуқли эканини маълум қилди.
“Afrosiyob” поэзди ёнғинга учрамаган ва режа асосида эртага ҳаракатни давом эттиради. Ёнғин вақтида поэздда йўловчилар бўлмаган. Ҳодиса рейсдан ташқарида содир бўлган”, — дейилади компания баёнотида.
Мутахассислар томонидан ёнғин тезда ўчирилган. “Ўзбекистон темир йўллари” ҳодиса бўйича кейинчалик батафсил маълумот берилишини билдирган. Шу билан бирга, “Afrosiyob” поэздининг барча йўналишлари одатдаги жадвал асосида қатнайверади.
