HAMAS АҚШнинг оташкесимга доир таклифини рад этди
Режа 60 кунлик ўт очишни тўхтатишни ўз ичига олади.
HAMAS ҳаракати АҚШ томонидан таклиф этилган, Исроил ҳукумати қўллаб-қувватлаган оташкесим ва гаровга олинганларни озод қилиш режасини рад этди. HAMAS вакилларининг таъкидлашича, ушбу таклиф уларнинг асосий талаблари — урушни тўлиқ тугатиш каби шартларга жавоб бермайди.
Оқ уй 29 май куни Исроил режага рози бўлганини маълум қилди ва энди HAMAS'дан расмий жавоб кутаётганини эълон қилди. Режа АҚШнинг Яқин Шарқ бўйича махсус вакили Стив Уиткофф томонидан таклиф этилган.
Reyters агентлиги маълумотига кўра, режа 60 кунлик ўт очишни тўхтатиш, дастлабки ҳафтада 28 нафар исроиллик гаровдагиларни озод қилиш, 125 нафар фаластинлик маҳбусни озод этиш ва 180 нафар ҳалок бўлган фаластинликларнинг жасадини қайтаришни ўз ичига олади.
