Ўзбекистонда 64 минг хонадонга қуёш панеллари ўрнатилди
Ушбу панеллар йилига 313 миллион кВт/соат электр энергияси ишлаб чиқаради.
Ўзбекистон бўйлаб 64 мингдан ортиқ хонадонда умумий қуввати 223,4 Мвт/соат бўлган қуёш панеллари ўрнатилди. Ушбу панеллар йилига 313 миллион кВт/соат электр энергияси ишлаб чиқариб, натижада 104 миллион куб метр табиий газ тежалмоқда.
2024 йилнинг май-декабрь ойларида электр энергияси истеъмоли ўтган йилга нисбатан 10,6% га камайди, бу эса 1,3 миллиард кВт/соат энергия тежалишини таъминлади. Айниқса, ойига 10 минг кВт/соатдан ортиқ энергия сарфлаган хонадонлар сони 80 мингдан 15 мингтага тушди.
ЛEД-ёритиш ускуналарини ўрнатиш энг кенг тарқалган энергия тежамкор амалиётга айланди — хонадонларнинг 87%и ушбу тизимга ўтган. Қорақалпоғистон, Хоразм, Навоий ва Тошкент вилоятларида бу кўрсаткич 90%дан ошган. Шу билан бирга, 44% хонадонлар пластик эшик ва деразалар билан иссиқликни тежашга эътибор қаратган.
