Темирйўлчилардан болажонларга махсус байрам тадбири ташкил этилди

1 июнь – Халқаро болаларни ҳимоя қилиш куни муносабати билан “Ўзбекистон темир йўллари” акциядорлик жамияти раҳбарияти ташаббуси билан пойтахтимиздаги 100 нафарга яқин болалар учун Темирйўлчилар маданият саройида байрам тадбири ташкил этилди.

 

Бу ерда барпо этилган замонавий аттракционларга бой болалар ўйингоҳида улар мароқли дам олишди. Байрам тадбирида Темирйўлчилар маданият саройи бўлим бошлиғи Хуршида Набиева болажонларга “Ўзбекистон темир йўллари” фаолияти ҳақида қисқача маълумот берди.

 

 

 

 

Тадбир доирасида болажонлар учун “Ўзбекистон темир йўллари” АЖ Темир йўл техникаси музейига саёҳат ҳам уюштирилди. Музей мутахассиси Ланкевич Владимир Андреевич болаларга бир асрдан ортиқ тарихга эга ушбу музей фаолияти, бу ерда сақланаётган паровоз, тепловоз, электровоз, вагонлар ҳамда бошқа тарихий экспонатлар ҳақида батафсил маълумот берди. Тарихий аҳамиятга эга поездларни томоша қилишди ҳамда янги барпо этилган кўркам фаввора атрофида сайрга чиқишди.

 

Тадбир якунида Темир йўл техникаси музейи раҳбарияти томонидан болалар учун байрам дастурхони ҳам ташкил этилди.

 

                                                                                                                              Гавҳар Зиёдуллаева, журналист