34 ёшли аёл турникда тортилиш бўйича Гиннес рекордини янгилади
У 24 соат ичида 7079 марта турникда тортилган.
Австралиялик 34 ёшли Оливия Винсон 24 соат ичида 7079 марта турникда тортилиб, Гиннес рекордини ўрнатди. Бу аввалги — 2021 йилда полшалик Паула Горлога тегишли бўлган 4081 тортилишлик натижани ортда қолдирди.
Рекорд ғоясини унга эри ва мураббийи таклиф қилган. Дастлаб бу имконсиздек туюлгани айтилади. У 2024 йил сентябрида биринчи бор уриниб кўрган, бироқ жароҳат олиб, тўхташга мажбур бўлган. Икки ой тикланиш ва қўшимча машғулотлардан сўнг, иккинчи уринишда муваффақиятга эришган.
Винсон 19-соатлардан сўнг ўзини ёмон ҳис қила бошлаган, аммо бардош берган. У: “Танам кўтара оладими деб қўрқдим, лекин имконсиз деб билган нарсамга эришдим”, дея фикр билдирган.
