Андижонда фуқаро заправкада 2 та бўрини боқиб келган
Бўрилар ҳозирда ҳайвонот боғига топширилган.
Андижон вилоятида бир фуқаро автомобилларга ёқилғи қуйиш шохобчасида 2 дона Ўрта Осиё бўрисини ноқонуний равишда боқиб келгани аниқланган. Бу ҳақда Андижон вилояти прокуратураси ва вилоят экология бошқармаси хабар берди.
Қайд этилишича, Фаробий МФЙда яшовчи фуқаро A.A. томонидан олиб борилган ҳаракатлар тергов ва суриштирув давомида фош қилинган.
Маълум бўлишича, фуқаро 2025 йил 23 май куни бўриларни ўз ихтиёри билан “Усмонобод Файзи” МЧЖга қарашли ҳайвонот боғига топширган.
Бўрилар ветеринария кўригидан ўтказилиб, соғлом экани тасдиқланди. Ҳозирда уларнинг ҳайвонот боғида қолиши ва парвариши бўйича тегишли чоралар кўрилмоқда.
