Ўзбекистонда иш ҳақи 10 фоизга оширилади

2025 йил 1 июлдан эътиборан Ўзбекистонда пенсиялар, нафақалар, кам таъминланган оилаларга болалар нафақалари ва моддий ёрдам тўловлари миқдори 10 фоизга оширилади. Бу ҳақда Президентнинг "Иш ҳақи, пенсиялар, стипендиялар ва нафақалар миқдорини ошириш тўғрисида"ги фармонида белгиланган.

 

Янги тартибга кўра:

 

Ёшга доир энг кам пенсия миқдори – ойига 918 000 сўм;

 

Ногиронлик пенсиясининг энг кам миқдори – ойига 1 012 000 сўм;

 

Кам таъминланган оилалар учун болалар нафақаси миқдорлари қуйидагича белгиланади:

 

3 ёшгача бўлган битта кичик фарзанд учун – 360 000 сўм;

 

3 ёшдан 18 ёшгача бўлган битта фарзанд учун – 275 000 сўм;

 

Оиланинг иккинчи фарзанди учун қўшимча – 165 000 сўм;

 

Учинчи ва ундан кейинги ҳар бир фарзанд учун қўшимча – 110 000 сўм;

 

Шунингдек, кам таъминланган оилаларга ойига бериладиган моддий ёрдам миқдори 420 000 сўм этиб белгиланади.

 

Бошқа пенсия ва нафақалар миқдорлари фармонга илова асосида белгиланади.

 

2025 йил 1 августдан бошлаб эса бюджет ташкилотлари ходимларининг иш ҳақи ва стипендиялар миқдори ҳам 10 фоизга оширилади.

 

База миқдорларидаги ўзгаришлар:

 

2025 йил 1 июлдан бошлаб пенсияни ҳисоблашнинг базавий миқдори – ойига 471 000 сўм;

 

2025 йил 1 августдан бошлаб:

 

Меҳнатга ҳақ тўлашнинг энг кам миқдори – ойига 1 271 000 сўм;

 

Базавий ҳисоблаш миқдори – 412 000 сўм этиб белгиланади.