Украина газ тақчиллигига дуч келиши мумкин
Россиянинг ҳужумлари фонида Украина газ инқирозига яқин.
Украина президенти Владимир Зеленский мамлакат Россия томонидан газ инфратузилмасига уюштирилган кенг кўламли ҳужумлар оқибатида газ танқислигига дуч келиши мумкинлигини маълум қилди. Бу ҳақда у журналистлар билан бўлиб ўтган брифингда баёнот берди.
Зеленскийнинг сўзларига кўра, зарур газ заҳирасининг бир қисми аллақачон таъминланган, бироқ мамлакат эҳтиёжларини тўлиқ қоплаш учун ҳали ҳам муҳим ҳажм етишмаяпти.
“Гап қарийб бир миллиард еврога яқин қийматдаги газ сотиб олиш ҳақида кетмоқда”, — дейди президент.
У шунингдек, бу масала Норвегия бош вазири билан муҳокама қилинганини ва халқаро ҳамкорлик орқали муаммони ҳал этиш йўллари изланаётганини таъкидлади.
