Буюк Британия Украинага 100 000 дона дрон етказиб беради
Жараён 2026 йилнинг апрелига қадар якунланиши режалаштирилган.
Буюк Британия 2026 йил апрель ойигача Украинага 100 минг дона дрон етказиб беришни режалаштирмоқда. Бу ҳақида Британия Мудофаа вазирлиги расмий баёнотида маълум қилинди.
Янги ташаббус доирасида етказиб бериладиган дронлар разведка, зарба бериш ва ҳаво ҳужумларига қарши курашиш каби ҳарбий мақсадларда фойдаланилиши кўзда тутилган. Бу қарор дрон етказиб бериш ҳажмини ўн баравар оширади ва Украинага кўрсатилаётган ҳарбий кўмакда муҳим босқич бўлади.
Британия Мудофаа вазири бу ёрдам Украина Қуролли Кучларига жанговар салоҳиятни оширишда муҳим туртки бўлишини таъкидлади. Айни пайтда, Британия дронларнинг кўплаб қисмини ўз ҳудудида ишлаб чиқаришни мақсад қилган.
