Чекишни ташлашнинг учта қулай усули маълум қилинди

 

Пульмонолог Эли Фисс чекишни ташлашга ёрдам берувчи энг самарали учта усулни санаб ўтди.

 

Эли Фисснинг айтишича, чекувчиларнинг 70 фоизи одатни мустақил тарзда тарк этишга — сигареталар сонини аста-секин камайтириб, уларни чекадиган вақт оралиғини узайтиришга уринади.

 

Аммо, шифокор фикрича, баъзилар учун бу етарли бўлмаслиги мумкин. Уларга никотин бўлаклари ёки сақичлари орқали ёрдам бериш мумкин. Бундай воситалар тананинг никотинга бўлган эҳтиёжини босқичма-босқич камайтиради.

 

Шунингдек, у когнитив-хулқий терапияни ҳам самарали восита деб атади — бу орқали инсон психологик жиҳатдан чекишга бўлган эҳтиёжини тушуниб, унга қарши курашиш стратегиясини ишлаб чиқади.

 

Фисс, шунингдек, дори воситалари ҳам мавжудлигини қўшимча қилди, бироқ уларни сўнгги чора сифатида кўришни тавсия этди.