Қалбаки алкоголь ва тамаки маҳсулотларининг ноқонуний савдоси фош этилди
Ҳолат юзасидан тергов ҳаракатлари олиб борилмоқда.
Бош прокуратура ҳузуридаги Департаментнинг Ҳазорасп, Гурлан, Хива ва Боғот туман бўлимлари, ДХХ ва ИИБ ходимлари ҳамкорлигида ўтказилган тезкор тадбирларда қалбаки акциз маркали маҳсулотлар савдоси аниқланган.
Ўтказилган тадбирларда ЯТТ "Г.Ж.", "Д.Б." хусусий корхонаси, "Х.Д." ва "А.Т." МЧЖларнинг савдо дўконларида жами 4 690 дона қалбаки акциз маркали алкоголь ҳамда 1 137 қути тамаки маҳсулотлари сотувга қўйилгани аниқланиб, ушбу маҳсулотлар ашёвий далил сифатида олиб қўйилган.
Шунингдек, Департаментнинг Узун туман бўлими томонидан ўтказилган тадбирда "К.Б." хусусий корхонасининг савдо дўконидан 769 дона алкоголь ва 540 қути тамаки маҳсулоти ашёвий далил сифатида олинган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.
