Тошкент вилоятида 24 ёшли қизнинг жасади топилди
Унинг ўлимига юқори нафас йўлларининг сув билан беркилиши сабаб бўлган.
Қибрай туманидаги 11-сонли ГEСнинг ахлат йиғиладиган ковушидан 24 ёшли қизнинг жасади топилди. Бу ҳақда Бош прокуратура матбуот котиби Ҳаёт Шамсутдинов маълумот берди.
Аниқланишича, марҳума — 2001 йилда туғилган B.O. исмли қиз 2024 йил 10 май куни Қибрай туманидаги яшаш манзилидан номаълум томонга чиқиб кетган ва бедарак йўқолган деб ҳисобланаётган эди.
Қидирув-тадбирлар натижасида унинг жасади Қибрай тумани "Соҳибкор" МФЙ, Ифор кўчасидаги ГEС ҳудудидан, ахлат йиғиладиган жойдан топилган. Суд-тиббий экспертизасига кўра, қиз танасида ҳеч қандай тан жароҳатлари аниқланмаган. Унинг ўлимига юқори нафас йўлларининг сув билан беркилиши — механик асфикция сабаб бўлгани аниқланган.
Ҳозирда Қибрай туман прокуратураси томонидан терговга қадар текширув ишлари олиб борилмоқда. Расмийларга кўра, суриштирувлар якунида қонуний қарор қабул қилиниши таъминланади.
