Қурбон ҳайити муносабати билан метро вақтинча бепул бўлади
03:00 дан 10:00 га қадар йўловчиларга бепул хизмат кўрсатади.
2025 йил 6 июнь — Қурбон Ҳайити байрами куни йўловчиларга қулайлик яратиш мақсадида Тошкент метрополитени одатдагидан икки соат олдин, яъни, тонгги соат 03:00 дан иш фаолиятини бошлайди. Бундан ташқари, Қурбон Ҳайити байрами кунида барча йўловчилар учун Тошкент метрополитени соат 03:00 дан 10:00 га қадар йўловчиларга бепул хизмат кўрсатади.
Шунингдек, метро йўловчиларига байрам муносабати билан белгиланган бошқа дам олиш кунларида қуйидагича тартибда поездлар ҳаракати йўлга қўйилади:
7 июнь — шанба куни учун белгиланган жадвал бўйича;
8 июнь — якшанба куни учун тасдиқланган жадвал асосида соат 05:00 дан хизмат кўрсатилади.
