Британияда жосусликда айбланган 3 эронлик судга тортилади
Улар Эрон разведкаси билан ҳамкорлик қилганликда айбланмоқда.
Британияда Эрон разведка хизматига алоқадорликда айбланаётган уч нафар эронлик устидан суд жараёни 2026 йил октябрь ойида бошланиши белгиланди. Бу ҳақда Лондон судида бўлиб ўтган дастлабки мажлисда маълум қилинди.
“Айбловга кўра, ушбу шахслар Британия ҳудудида махфий маълумотлар тўплаган ва зўравонлик ҳаракатлари содир этишни режалаштирган”, деб ёзади “Озод Эрон” Телеграм канали хорижий ОАВларга таяниб.
Ҳозирча айбланувчиларнинг шахсига оид тафсилотлар ошкор қилинмаган. Суд жараёни миллий хавфсизликка оид муҳим масалалардан бири сифатида баҳоланмоқда.
