Бухорода 2 ёшли бола танга ютиб юборди
Ҳолат юзасидан вилоят ССБ маълумот берди.
Бухоро вилоятининг Қоракўл туманида танга ютиб юборган 2 ёшли боланинг ҳаёти сақлаб қолинди. Бу ҳақида вилоят Соғлиқни сақлаш бошқармаси хабар қилди.
Қайд этилишича, 2023 йилда туғилган чақалоқ юқори қизилўнгач тораймасида ёт жисм қолиб кетгани сабабли шошилинч қабулхона бўлимига олиб келинган.
Шундан сўнг навбатчиликда бўлган юқори малакали шифокорлар жамоаси тезкор тиббий ёрдам кўрсатган. Замонавий тиббий ускуналар ёрдамида юқори технологик, кам инвазив жарроҳлик амалиёти муваффақиятли амалга оширилган ва болакай ҳаёти сақлаб қолинган.
Айни пайтда беморнинг аҳволи барқарор, шифокорлар назорати остида қониқарли ҳолатда.
