Колумбияда 300 йиллик хазина топилди
Испанияга тегишли кема, бортида 200 тонна хазина билан чўкиб кетган.
Колумбия қирғоқлари яқинида 300 йил аввал чўкиб кетган кема топилди. Испания қироли томонидан бошқарилган "Сан-Хосе" номли галеон 1708 йилда Британия ҳарбий кемалари билан бўлган жангда чўкиб кетган эди.
Унинг бортида 200 тоннагача яқин олтин, кумуш ва қимматбаҳо тошлар бўлган. Хазиналарнинг ҳозирги қиймати 17 миллиард долларга етиши мумкин.
Колумбия ҳукумати уни чиқариб олишни режалаштирмоқда, аммо бойликларга Испания ҳам даъво қилмоқда: “Қачон чўкиб кетганидан қатъи назар, у Испанияга тегишли”.
