Вилоятлик ҳайдовчилар Тошкентда таксичилик қила олади
Транспорт вазири тармоқда тарқалган хабарларга изоҳ берди.
Тошкентда йўналишсиз такси фаолияти билан шуғулланишда ҳайдовчиларнинг фақат ўз ҳудуди ва унга туташ ҳудудларда хизмат кўрсатиши белгилангани баҳс-мунозараларга сабаб бўлаётганди. Ҳолат юзасидан Транспорт вазири Илҳом Маҳкамов изоҳ берди.
Унинг айтишича, эндиликда вилоятдан келган таксичилар Тошкентда киракашлик қила олади. Вазирга кўра, бунинг учун улар лицензия олиши керак, фаолият манзили сифатида эса Тошкентни кўрсатиши керак бўлади.
Вилоятлараро лицензияга эга таксичилар Тошкентда такси қила олмайди. Лицензия фақат битта ҳудудга берилади.
Улар бир вақтнинг ўзида ҳам вилоятда, ҳам пойтахтда таксичилик фаолияти билан шуғуллана олмайди.
