Жанубий Корея президенти Пхенян билан алоқани тиклайди
“Жануб–Шимол” мулоқот тизими қайта йўлга қўйилади.
Жанубий Корея янги президенти Ли Чже Мён Шимолий Корея билан мулоқот каналларини зудлик билан тиклаш топшириғини берди. Бу ҳақда Yonhap агентлиги хабар берди.
Президентнинг сўзларига кўра, ҳарбий кескинликни камайтириш ва ярим оролда тинчлик муҳитини яратиш асосий мақсад ҳисобланади. Шу боис, "Жануб–Шимол" мулоқот тизими ва инқирозни бошқариш механизмлари қайта йўлга қўйилади.
Ли Чже Мён ярим оролда барқарорлик ва фаровонликни таъминлаш учун барча чораларни кўришини таъкидлади. У Корея халқлари учун тинч ва янги давр бошланишини исташини билдирди.
Мутахассислар президентнинг бу баёнотини ярим оролда музлатилган алоқаларни жонлантириш йўлида муҳим қадам, деб баҳоламоқда.
