Толибон аёлларга бозорларга киришни тақиқлади
Бу тақиқ мижозлар оқимини кескин камайтирган.
"Толибон" Термиз яқинидаги афғон-ўзбек чегара ҳудудида жойлашган умумий бозорга 40 ёшгача бўлган аёлларни киритмаслик тўғрисида чеклов жорий этди. Бу ҳақда АмуТв хабар берди.
Савдогарларнинг айтишича, бу тақиқ мижозлар оқимини кескин камайтириб, трансчегаравий савдога жиддий зарба берди. “Илгари харидорларимизнинг асосий қисмини аёллар ташкил этар эди. Энди эса савдо жуда пасайиб кетди”, — деди бозордаги афғон савдогар.
"Толибон" мазкур чеклов ҳақида расмий баёнот бермаган. Термизга оилавий харид учун борадиган кўплаб одамлар янги тартиб туфайли бозордан воз кечишга мажбур бўлмоқда.
Бозор маъмурияти бу сиёсат ўзгаришсиз қолса, икки мамлакат чегарасидаги иқтисодий ва ижтимоий ҳаёт янада оғирлашишини таъкидлади.
