Исроил Россиянинг воситачилик таклифини рад этди
Исроил тинчлик йўлини танлашга тайёр эмас.
Исроил Россиянинг Эрон билан кескинликни юмшатиш борасидаги воситачилик таклифини қабул қилмасликка қарор қилди. Бу ҳақда Россия президенти матбуот котиби Дмитрий Песков баёнот берди.
“Айни дамда биз, ҳеч бўлмаганда, Исроил томонидан воситачилик хизматларига эҳтиёж борлигини сезмаяпмиз. Умуман олганда, уларнинг бу можарони тинч йўл билан ҳал этиш истагини ҳам кузатмаяпмиз,” — деди Песков.
Унинг сўзларига кўра, минтақадаги вазият хавотирли даражада кескинлашиб бормоқда ва кейинги ривожланиш стсенарийлари олдиндан башорат қилиб бўлмайдиган ҳолга келган.
Бу баёнот Исроил ва Эрон ўртасидаги зиддиятлар фонида, шунингдек, Россиянинг минтақадаги дипломатик ролини мустаҳкамлаш ҳаракатлари давомида эълон қилинди.
