Европа Иттифоқи Россияга қарши санкцияларини узайтирди
Бу ҳақда Европа Кенгаши матбуот хизмати маълум қилди.
Европа Иттифоқи Россиянинг Қрим ва Севастополни ноқонуний аннекция қилганига жавобан қўлланилган санкцияларни 2026 йил 23 июнгача узайтирди. Бу ҳақда Европа Кенгаши матбуот хизмати маълум қилди.
Баёнотда Европа Иттифоқи Россиянинг Қримни босиб олишини халқаро ҳуқуқ бузилиши деб ҳисоблашда давом этиши таъкидланган. ЕИ Украинанинг халқаро эътироф этилган чегаралари доирасида суверенитети ва ҳудудий яхлитлигини қўллаб-қувватлайди.
Ушбу санкциялар дастлаб 2014 йилда жорий этилган бўлиб, Қримдан маҳсулот олиб кириш, инфратузилма ва молиявий инвестициялар, туризм хизматлари кўрсатиш каби фаолиятларни тақиқлайди.
Шунингдек, айрим товар ва технологияларни Қримдаги компанияларга экспорт қилиш, транспорт, телекоммуникация, энергетика ва қазилма бойликларни излаш ёки ишлаб чиқариш бўйича фаолиятлар ҳам чеклов остида қолмоқда.
