АҚШ яқин 24–48 соатда Эрон билан урушга киришиш бўйича қарор қабул қилади
АҚШ Эронни музокаралар столига қайтаришга умид қилмоқда.
ABC News телеканалининг хабар беришича, АҚШ Эрон билан юзага келган кескинлик юзасидан ҳал қилувчи қарорни яқин 24–48 соат ичида қабул қилиши мумкин. Телерадиокомпания америкалик расмийларга таяниб, бу вақт оралиғи можарога дипломатик ечим топиш имконияти бор-йўқлигини аниқлаб берувчи муҳим давр бўлишини билдирган.
Расмийларнинг таъкидлашича, ҳозирча АҚШ дипломатик йўлни афзал кўриб, Эронни музокаралар столига қайтаришга умид қилмоқда. Асосий мақсад — Эронни ядро дастуридан, хусусан, уранни бпйитишдан тўлиқ воз кечишга эришиш ва "ядро битими"ни имзолашдир.
Шунингдек, агар Теҳрон музокараларга розилик билдирса, ҳафта давомида АҚШ ва Эрон вакиллари ўртасида учрашув ўтказилиши мумкинлиги айтилмоқда.
Шунга қарамай, ҳарбий вариант истисно эмас. Агар дипломатик уринишлар муваффақиятсиз тугаса, АҚШ ҳарбий чоралар кўришга мажбур бўлиши мумкин. Бу эса минтақадаги кескинликни янада кучайтириши эҳтимоли бор.
