“Нетаняху шафқатсизликда Гитлердан ҳам ўзиб кетди”
Туркия Президенти Нетаняхуни кескин танқид қилди.
Туркия Президенти Ражаб Тоййиб Эрдоған Исроил Бош вазири Бенямин Нетаняхуни кескин танқид қилиб, уни Адолф Гитлер билан таққослади. У Нетаняхунинг ҳаракатларини "ғайриинсонийлик" деб баҳолади ва уларни Гитлер давридаги Ҳолокост воқеалари билан солиштирди.
“II Жаҳон уруши пайтидаги энг даҳшатли сурат ва видеолар ҳам Ғазо секторидан олинган кадрлар олдида ожиз. Германияда фашистлар Ҳолокост вақтида ҳам бу даражадаги ваҳшийликка бормаган”, — деди Эрдоған.
Туркия етакчисининг фикрича, Нетаняху томонидан амалга оширилаётган ҳарбий ҳаракатлар ғарблик давлатлар томонидан кўр-кўрона қўллаб-қувватланмоқда.
Эрдоған баёнотида Нетаняхунинг ҳаракатларини геноцид деб атаб, у “шафқатсизликда Гитлердан ҳам ўзиб кетди”, дея таъкидлади.
