МИБ орқали тадбиркор фойдасига 324 млн ундирилди
Қарздор тадбиркорга маиший техникалар пулини тўламай келган.
Тойлоқ туманлараро иқтисодий судининг 06.09.2024 йилдаги қарорига асосан қарздордан ундирувчи тадбиркор фойдасига 324 млн. сўм маиший техникалар пулини ундириш тўғрисидаги ижро ҳужжати бўйича Мажбурий ижро бюросининг Сирдарё туман бўлими томонидан ижро ҳаракатлари олиб борилган.
Ихтиёрий муддатда қарздорлик тўланмаганлиги боис, мажбурий ижро ҳаракатларига киришилиб, қарздорнинг банк ҳисоб рақамига банд солинган ва мулклари хатланган.
Ижро ҳаракатлари натижасида қарздордан 324 млн. сўм қарздорлик тўлиқ ундирилиб, ундирувчи тадбиркорнинг банк ҳисоб рақамига ўтказиб берилган.
Шунингдек, қарздорлик сабаб юзага келган 16,2 млн. сўм ижро йиғимини ҳам тўлашга тўғри келди.
