Россия Сурия билан муносабатларни тикламоқчи
Бу ҳақда Россия президенти матбуот котиби маълум қилди.
Россия 2024 йилда Сурияда юз берган сиёсий ўзгаришлар ортидан мамлакатнинг янги амалдаги ҳокимияти билан муносабатларни йўлга қўйишга қарор қилган. Бу ҳақда Россия президенти матбуот котиби Дмитрий Песков RT телеканалига берган интервьюсида маълум қилди.
Песковнинг айтишича, президент Башар ал-Асаднинг ҳокимиятдан кетиши ва ундан кейинги давлат тўнтариши Суриянинг ички сиёсий жараёнлари ҳамда ташқи таъсирлар натижаси бўлган.
"Сурияда юз берган воқеалар кўп жиҳатдан ташқи таъсир билан боғлиқ бўлсада, ички омиллар ҳам муҳим роль ўйнади", — деди Песков.
Унинг таъкидлашича, Россия ўз манфаатларини ҳимоя қилиш ва сақлаб қолиш учун Суриянинг ҳозирги амалдаги ҳокимияти билан дипломатик алоқаларни тиклаши лозим.
