Трамп Нобел мукофотига тавсия этилди
Бу ҳақда Покистон ҳукумати расмий саҳифаси орқали маълум қилган.
Покистон ҳукумати АҚШ президенти Доналд Трампни 2026 йил Нобел Тинчлик мукофотига номзод сифатида кўрсатди. Бу қарор унинг Ҳиндистон-Покистон можаросини ҳал этишдаги дипломатик саъй-ҳаракатлари сабабли қабул қилинган.
Бу ҳақда Покистон ҳукумати "X" ижтимоий тармоғидаги расмий саҳифаси орқали маълум қилган. Трампнинг сўнгги инқироз давридаги қатъий дипломатик аралашуви ва етакчилик роли алоҳида эътироф этилган.
Расмий баёнотда Трампнинг Кашмир масаласидаги узоқ йиллик низони ҳал қилиш бўйича самимий таклифлари юқори баҳолангани таъкидланган. Бу можаролар минтақавий беқарорликнинг асосий омилларидан бири ҳисобланади.
2025 йилда юз берган Покистон-Ҳиндистон инқирози вақтида Трамп кўрсатган лидерлик унинг амалий дипломатияси ва самарали тинчлик ўрнатиш меросининг давомчиси эканини кўрсатди, дейилади хабарда.
