Ёлғиз саёҳат қилиш мумкин бўлмаган давлатлар
Саванна Круэлл аёллар учун “хавфли мамлакатлар” рўйхатини тақдим этди.
Нью-Йорклик машҳур саёҳатчи ва ТикТок блогери Саванна Круэлл дунё бўйлаб яккахон саёҳат қилувчи аёллар учун хавфли деб ҳисоблаган мамлакатлар рўйхатини эълон қилди. Турли давлатларда тўплаган шахсий тажрибаларига таяниб, у баъзи ҳудудларни ёлғиз саёҳат учун тавсия этмаслигини маълум қилди.
Саваннанинг “хавфли” деб атаган биринчи давлати — Франция. 2024 йилда 102 миллион сайёҳни қабул қилган ушбу машҳур йўналишда у бир нечта нохуш вазиятларга дуч келганини айтган.
Иккинчи ўринда эса Мексика турибди. У бу мамлакатнинг табиати ва маданиятини юқори баҳолаган бўлсада, хавфсизлик нуқтаи назаридан огоҳликни унутмаслик кераклигини таъкидлади.
Рўйхатдаги учинчи мамлакат — Никарагуа. Круэлл бу ерда ёлғиз юрмаслик, иложи борича гавжум жойлардан чиқмасликни маслаҳат беради.
Бундан ташқари, у ўзини Малайзия, Барселона (Испания) ва ҳаттоки ўз ватани АҚШда ҳам хавфсиз ҳис қилмаганини очиқ айтди.
Шунга қарамай, блогер бу мамлакатларнинг ҳар бирига қайтишга тайёрлигини билдирган — фақат бу сафар эҳтиёткорлик билан.
