3 давлат АҚШ зарбаларини қораловчи резолюция тақдим этади
Ҳужжатда зудлик билан ўт очишни тўхтатиш талаби илгари сурилган.
Россия, Хитой ва Покистон АҚШнинг Эрон ядровий объектларига берган зарбаларини қораловчи резолюция лойиҳасини БМТ Хавфсизлик Кенгашига тақдим этмоқда. Бу ҳақда Россия ОАВ манбаларига таяниб хабар бермоқда.
Ҳужжатда зудлик билан ўт очишни тўхтатиш талаби илгари сурилган. Шунингдек, Эронга тинч ядровий дастур юритиш учун кафолатлар бериш ва бунга жавобан унга нисбатан санкцияларни бекор қилиш таклифи ҳам мавжуд.
АҚШнинг сўнгги ҳужумларидан сўнг юзага келган кескин вазият бўйича БМТ Хавфсизлик Кенгаши мажлиси Тошкент вақти билан соат 00:00 да бошланиши кутилмоқда.
