Бразилиялик эркак қамоқдан қочаётганда деворга тиқилиб қолди
У бунинг учун 2 кун давомида туннель қазиган.
Бразилиянинг Рио Бранко қамоқхонаси маҳбуси Леандро да Силва икки кун давомида ўзи қазиган туннель орқали қочишга уринганда деворга тиқилиб қолди.
Эркак супурги тутқичи ва мих ёрдамида бетон деворни тешиб ўтиб, шу орқали яширинча чиқиб кетишга ҳаракат қилган.
Қўриқчилар камерадаги “шубҳали ҳаракат”ни пайқаб, нима бўлаётганини текшириш учун келган. Шундан сўнг улар қочишга уринаётган маҳбусни кўришган ва қутқарувчиларни чақиришган.
Эркакка биринчи тиббий ёрдам кўрсатилиб, ўз камерасига қайтарилган. Ҳозирда у қочишга тайёргарлик кўриш учун буюмларни қандай қўлга киритгани ўрганилмоқда.
