Эрон билан Исроил келишувга эришдими?
Сўнги тафсилотлар.
АҚШ президенти Доналд Трамп Исроил ва Эрон ўртасида 12 кунлик урушни тўхтатиш бўйича тўлиқ ўт очишни тўхтатиш режаси эълон қилинганини маълум қилди. Трампнинг айтишича, томонлар мавжуд ҳарбий операцияларни якунлаб, босқичма-босқич сулҳга киради.
Бироқ Исроил ҳарбийлари Эрон ҳудудидан ракета учирилганини қайд этди. Эронда ташқи ишлар вазири Исроил ҳужумларини тўхтатмаса, сулҳга эришилмаслигини билдирди. Эронга кўра, агар 24 июнь соат 4:00 (Теҳрон вақти) гача ҳужумлар тўхтаса, улар ҳарбий ҳаракатларни давом эттирмайди.
Ушбу музокараларда АҚШ вице-президенти JD Венс, давлат котиби Марко Рубио ҳамда АҚШ махсус элчиси Стив Виткофф иштирок этган. Қатарнинг бош вазири Эрон билан алоҳида суҳбатлар олиб борган.
Узоқ давом этган бомбардимонлар натижасида Теҳрондан миллионлаб одамлар қочган. АҚШ ва Исроил Эрон ядро инфратузилмасини йўқ қилишни мақсад қилганини билдирди. Исроил ҳарбий кучлари сиёсий маҳбуслар сақланадиган машҳур Эвин қамоқхонасини ҳам нишонга олган.
