Инсоният тарихидаги энг ноёб қон гуруҳи аниқланди
Мазкур гуруҳ Францияда яшовчи аёлдан топилган.
2025 йил июнь ойида Халқаро қон трансфузияси жамияти (ИСБТ) томонидан “Gw(a−)” номли янги қон гуруҳи расман тан олинди. Бу гуруҳ қон типлари таснифига 48-тизим сифатида қўшилди.
Мазкур ноёб гуруҳ Франциянинг Guadeloupe оролида яшовчи аёлда аниқланган бўлиб, ҳозирча дунёда ягона ҳолат сифатида қайд этилган. Кашфиёт 2005 йилдан бери олиб борилган тадқиқотлар натижасида France’s Blood Establishment лабораториялари томонидан тасдиқланди.
“Gw(a−)” гуруҳи клиник жиҳатдан катта аҳамиятга эга бўлиб, қон қуйиш, орган кўчириб ўтказиш ва иммунологик хавфларни баҳолашда муҳим роль ўйнайди. Бу гуруҳга эга беморлар учун мос донор топиш жуда қийин.
Гуруҳ номидаги “Gwada” Guadeloupe ороли номидан, “negative” эса антиген йўқлигини билдиради.
