Ўзбекистон тарихида давлат бошқаруви соҳасидаги илк халқаро тадбир

23–25 июнь кунлари Самарқанд шаҳри БМТънинг Давлат Хизмати Форуми (UNPSF 2025)га мезбонлик қилмоқда. Бу форум — Ўзбекистон тарихида давлат бошқаруви соҳасида ўтказилган илк ва энг йирик халқаро тадбир ҳисобланади. Президент Шавкат Мирзиёев форум иштирокчиларига табрик йўллади. Тадбирни эса Президент администрацияси раҳбари Саида Мирзиёева очиб берди.

 

Мазкур форум "2030 йилгача беш йил: Барқарор келажак учун давлат хизматларини кўрсатишни жадаллаштириш" мавзусига бағишланди. “Zamon.uz” мухбири Гавҳар Зиёдуллаева форумнинг дастлабки икки кунидан фоторепортаж тайёрлади.

 

 

 

 

 

 

Иштирокчилар орасида Европа, Осиё, Лотин Америкаси ва Африка, жумладан, Фиджи, Самоа ва Бутан каби кичик давлатлардан рекорд даражада вазирлар ҳамда давлат хизматига масъул ташкилотлар раҳбарлари бор эди.

 

Шунингдек, халқаро ва минтақавий ташкилотлар, илмий доиралар, фуқаролик жамияти, хусусий сектор вакиллари ва инновацион етакчилар ҳам қатнашишди.

 

 

 

 

 

 

 

 

 

 

 

Форум дастурида ялпи мажлислар, соҳавий муҳокамалар, стратегик мулоқотлар ва илғор амалиётлар тақдимотлари ўрин олди. Уларнинг асосий мақсади — глобал муаммолар ва ўзгарувчан шароитларда давлат хизматлари сифатини рақамли трансформация орқали жамиятнинг ҳар бир қатламига бирдек етказишни таъминлашдан иборат бўлди. Хусусан, имконияти чекланган шахслар, кекса ёшдагилар ва ижтимоий жиҳатдан ҳимоясиз қатламларга хизмат кўрсатишда инклюзивлик масаласи алоҳида эътиборга олинди.

 

Рақамли трансформация фақат давлат хизматлари билан чекланмай, электрон молия, финтеч ечимлари, электрон тижорат, маълумотлар таҳлили ва рақамли иқтисодиётнинг бошқа йўналишларини ҳам қамраб олди.

 

 

 

 

 

 

 

 

 

 

 

Форум БМТ Иқтисодий ва ижтимоий масалалар департаменти (UN DESA), Ўзбекистон Республикаси Рақамли технологиялар вазирлиги, Президент ҳузуридаги Давлат хизматини ривожлантириш агентлиги ва Стратегик ислоҳотлар агентлиги ҳамкорлигида ташкил этилди.

Гавҳар Зиёдуллаева, журналист