Жиззахда “эр қидирган қизлар” ортидан икки шахс жавобгарликка тортилди
Келинлик либосидаги қизларнинг чиқишлари катта муҳокамаларга сабаб бўлган эди.
Аввалроқ шаҳардаги кўчаларда “Эр керак” деган ёзув туширилган плакатларни кўтариб, келинлик либосидаги 8 нафар қиз иштирок этган реклама видеоси ижтимоий тармоқларда кенг муҳокамаларга сабаб бўлган эди. Жиззахда содир бўлган воқеа ортидан ушбу ролик иштирокчилари билан тушунтириш ишлари олиб борилган.
Жиззах шаҳрида оммавий эътиборни тортган реклама ролигидан сўнг гўзаллик салони раҳбари ва ижтимоий тармоқ блогери маъмурий жавобгарликка тортилди. Бу ҳақда тегишли идоралар хабар бермоқда.
Расмий маълумотларга кўра, ҳолат юзасидан салон раҳбари ва блогерга нисбатан маъмурий иш юритилиб, улар суд томонидан ҳуқуқбузар деб топилди. Натижада, ҳар иккиси энг кам иш ҳақининг 15 баравари — 5,6 миллион сўм миқдорида жаримага тортилди.
