Бутунлай ёпилган шаҳар, келин учун 27 та либос, машҳур меҳмонлар ва ҳайратланарли таклифнома… “Аср тўйи” бўлган Жефф Безос ва Лорен Санчеснинг Венециядаги дабдабали тўйидан эксклюзив кадрлар (фото ва видео)
Маросимга келган 250 меҳмон учун 90 та шахсий самолёт ва 30 га яқин элита сув таксилари банд қилинган.
Амазон асосчиси Жефф Безос ва журналист Лорен Санчеснинг уч кунлик тўйи 26–28 июнь кунлари Венецияда бўлиб ўтди. Йирик тадбир “аср тўйи” деб эълон қилинди. Тўй сабабли шаҳар деярли ёпилди, сайёҳлар меҳмонхоналардан чиқарилди.
Безос икки юздан ортиқ меҳмон учун ҳашаматли меҳмонхоналарни ижарага олди. Улар орасида Аман Венисе меҳмонхонаси ҳам бор эди. Меҳмонлар орасида Иванка Трамп, Кардашианлар оиласи ва бошқа машҳур шахслар қатнашди.
Тўй хавфсизлиги кучайтирилди: меҳмонхона йўлаклари ва жиҳозлар қатъий назорат остида бўлди. Маҳаллий аҳоли норозилик билдирди, баъзилари маросимни бузмоқчи бўлди.
Таклифнома ижтимоий тармоқларда муҳокама марказига айланди — унда курсив ёзувлар, капалаклар ва гондолалар тасвирланган. Совғалар ўрнига ЮНEСКОга хайрия қилиш сўралган.
Тўй менюсида француз қандолатчиси Седрик Гроленинг ширинликлари бўлди. У мевали тортлари билан танилган ва Инстаграмъда 13 миллиондан ортиқ обуначига эга.
Мода уйи Dolce & Gabbana Loren Sanches учун 27 та либос тайёрлади. Миш-мишларга кўра, у маросим давомида уларнинг барчасини алмаштириб кийган.
Тўй бюджети 40–48 миллион еврони ташкил этди. 250 нафар меҳмон учун 90 та шахсий самолёт ва 30 га яқин элита сув таксилари банд қилинди. Асосий маросим Венеция Арсеналида бўлиб ўтди.
