“Мен Эрон Олий раҳбарини ўлимдан қутқардим”
Трамп Хоманаэийъни “шармандали ўлимдан” қутқарганини маълум қилди.
АҚШ президенти Доналд Трамп ўзининг Truth Social’даги баёнотида Эрон Олий раҳбари Оятуллоҳ Али Хоманаэий ҳақида кескин фикр билдирди. У Эрон етакчисининг АҚШ ва Исроил устидан “ғалаба қозондик” деган сўзларини ёлғон деб атади.
Трампга кўра, у аввал Исроилнинг Эронни бомбардимон қилишга жўнатган самолётларини тўхтатиб, Хоманаэийъни “шармандали ўлимдан” қутқарган. “У менга раҳмат айтмаса ҳам бўлади”, — деди у.
Шунингдек, Трамп Эрон билан санкцияларни бекор қилиш йўлида музокаралар олиб борганини, аммо Хоманаэийънинг “нафратга тўла” баёнотидан кейин бу ишларни тўхтатганини маълум қилди.
Reuters агентлигининг ёзишича, Трамп Исроилнинг Хоманаэиъни йўқ қилиш режасига қарши чиқиб, унга “veto” қўйган.
