Қирғизистон Тақир-Тор кўлининг дамбаси ёрилиб кетди
Шу сабабли тоғда фавқулодда ҳолат эълон қилинган.
Кеча, 27-июнь куни Қирғизистондаги Тақир-Тор кўлининг дамбаси ёрилди. Ҳодиса оқибатида юзага келган сел оқими Олмалуу ва Кебек-Бий қишлоқлари орасидаги кўприкни ювиб кетган.
Тоғли ҳудудда фавқулодда ҳолат эълон қилиниши ортидан 950 га яқин одам эвакуация қилинди ва улар мактаб ва масжид биноларига жойлаштирилди.
Уй жой ва бошқа инфратузилмага жиддий зарар етмаган. Айни дамда 114 киши ва 14 та техника бирлиги сел оқибатларини бартараф қилмоқда.
