Шўрва кўпигини олиб ташлаш керакми? Ёки фойдаси борми?

 

Шўрва пишириш жараёнида юзасида ҳосил бўладиган кўпик кўпчиликни қизиқтирадиган мавзулардан бири бўлиб қолмоқда. Айримлар уни зарарли деб ҳисоблашса, бошқалар бу фикрга қўшилмайди. Мутахассисларнинг таъкидлашича, шўрва юзасида пайдо бўладиган кўпик асосан ивиган оқсиллар (масалан, албумин ва миоглобин), ёғ заррачалари ва гўштдаги табиий аралашмалардан иборат.

 

Илмий жиҳатдан бу кўпикда антибиотиклар ёки зарарли моддалар тўпланиши исботланмаган. Шу боис уни соғлиқ учун хавфли деб ҳисоблашга асос йўқ.

 

Бироқ кўпчилик ошпазлар кўпикни олиб ташлашни тавсия этишади — айниқса шўрва тиниқ бўлиши исталса. Акс ҳолда, у бироз хиралашиши мумкин, лекин фойдали моддалар – коллаген, аминокислоталар ва минераллар – барибир суюқликнинг ўзида сақланиб қолади.

 

Мутахассислар хулосасига кўра, шўрва кўпигини олиб ташлаш ёки ташламаслик соғлиқ эмас, балки таом кўриниши ва таъбга боғлиқ қарордир.