Ғиждувондаги боғчада тарбиячи болаларни калтаклади
Ҳозирда у билан тузилган меҳнат шартномаси бекор қилинган.
Ижтимоий тармоқларда Бухоро вилоятининг Ғиждувон туманидаги 53-давлат мактабгача таълим ташкилоти тарбиячисининг болалар билан қўпол муносабати акс этган видеолавҳа тарқалди. Ҳолатга вилоят Мактабгача ва мактаб таълими бошқармаси муносабат билдирди.
Қайд этилишича, видеотасвирда акс этган ҳолат жорий йилнинг 27 май куни юз берган, ўз лавозим мажбуриятларини қўпол равишда бузган тарбиячи М.А билан тузилган меҳнат шартномаси ташкилот директорининг 2025 йил 30 июндаги буйруғи асосида бекор қилинган.
“Айни пайтда мактабгача таълим ташкилотида бундай ҳолатни юзага келтирган сабаблар батафсил ўрганилиб, бу борада мавжуд камчиликларни бартараф этиш чоралари кўрилмоқда”, дейилади хабарда.
