“Fitch Ratings” “Иссиқлик электр станциялари” AJ рейтингини “ББ-”дан “ББ”га оширди
Ушбу рейтинг кўтарилиши 2018 йилдан бери биринчи марта кузатилмоқда.
2025 йил 1 июль куни “Fitch Ratings” халқаро рейтинг агентлиги “Иссиқлик электр станциялари” акциядорлик жамиятининг халқаро кредит рейтингини барқарор прогноз билан “ББ” даражага кўтарди. Бу баҳо Ўзбекистоннинг суверен кредит рейтинги билан тенглаштирилди. Бу ҳақда Ўзбекистон Республикаси Энергетика Вазирлиги хабар берди.
Ушбу рейтинг кўтарилиши 2018 йилдан бери биринчи марта кузатилмоқда. Агентлик ҳисоботида компаниянинг иқтисодий барқарорликни сақлаб қолиш йўлида эришган натижалари, шаффоф молиявий бошқаруви ва аниқ бизнес стратегияси алоҳида таъкидланган.
Аввалроқ, 2025 йил 26 июнь куни Fitch Ўзбекистон Республикасининг суверен кредит рейтингини ҳам “ББ-”дан “ББ”га оширган ва уни барқарор деб баҳолаганди.
Мазкур баҳолаш “Иссиқлик электр станциялари” AJнинг халқаро инвестиция бозоридаги ишончлилигини мустаҳкамлаб, корхонанинг кучли позициясини тасдиқлайди.
