Ўзбекистонда нодавлат ОТМлар учун янги лицензия талаблари жорий этилди
Қарор расмий эълон қилинган санадан 3 ой ўтгач кучга киради.
Вазирлар Маҳкамасининг 403-сонли қарорига кўра, Ўзбекистонда нодавлат олий таълим муассасаларини (ОТМ) лицензиялаш тартибига қўшимча талаблар киритилди.
Эндиликда ОТМ очмоқчи бўлган талабгор:
– таълим муассасасининг концепциясини (номи, мақоми, йўналишлари, бошқарув тизими, тўлов миқдори, 5 йиллик ривожланиш режаси ва бошқалар) тақдим этиши;
– 2 млн АҚШ доллари эквивалентида устав фондига эга бўлиши;
– 350 минг АҚШ доллари маблағни депозитга жойлаштириши;
– 5 минг kv.m.dan кам бўлмаган таълим биносига (ёки 5 йиллик ижара шартномасига) эга бўлиши;
– даромаднинг илк 5 йилда 80 фоизини, кейинги йилларда эса камида 50 фоизини ривожланишга йўналтириши шарт.
Қарор расмий эълон қилинган санадан 3 ой ўтгач кучга киради. Бу муддатгача лицензия олган муассасалар эса 2026 йил 1 январга қадар ўз фаолиятини янги талабларга мослаштириши керак.
