Навоийдаги паркда қизлар жанжаллашди
Воқеага ўзаро номуносиб муомала сабаб бўлган.
Ижтимоий тармоқларда Навоий шаҳридаги паркда бир гуруҳ қизлар жанжаллашиб, бир-бирини урганлиги акс этган видео тарқалди. Ҳолатга Болалар омбудсмани муносабат билдирди.
Қайд этилишича, жорий йилнинг 30 июнь куни фуқаролар Ж.Х. (2004 йилда туғилган қиз бола) ҳамда Т.Д (2006 йилда туғилган қиз бола) Навоий шаҳридаги истироҳат боғида ўзларига нотаниш бўлган 4 нафар вояга етмаган қизлар (2010, 2011, 2012 йилларда туғилган) билан каруселда учиш вақтида ўзаро номуносиб муомала туфайли жанжал юзага келиб, Ж.Х. ва Т.Д. қизларни калтаклаган.
Ҳозирда ҳолат юзасидан Навоий шаҳар ИИБ томонидан терговга қадар текширув ҳаракатлари олиб борилмоқда.
